شعیب اختر نے امریکا میں گریم سوان سے ’’پاکستان زندہ باد‘‘ کے نعرے لگوا دیئے

ابتدائی مقابلے میں شین وارن واریئرز نے سچن ٹنڈولکر بلاسٹرز کو 6 وکٹ سے زیر کیا تھا۔ فوٹو: فائل

---

شعیب اختر نے سابق انگلش اسپنر گریم سوان سے ''پاکستان زندہ باد'' کے نعرے لگوا دیے۔

امریکا میں کرکٹ سیریز کیلیے موجود سابق پیسر نے گذشتہ دنوں ایک ویڈیو میں حریف ٹیم وارن واریئرز کو چیلنج دیتے ہوئے کہا کہ ہیڈن ہو یا کیلس جو بھی سامنے آیا دیکھ لوں گا۔ یاد رہے کہ آل اسٹارز کرکٹ کا دوسرا ٹوئنٹی 20 نمائشی میچ بدھ کو ہوسٹن میں ہوگا، سیریز کا اختتام 14 نومبرکو لاس اینجلس میں شیڈول تیسرے میچ سے ہونا ہے۔

ابتدائی مقابلے میں شین وارن واریئرز نے سچن ٹنڈولکر بلاسٹرز کو 6 وکٹ سے زیر کیا تھا، پاکستانی اسپیڈ اسٹار شعیب اختر اور معین خان کی خدمات ٹنڈولکر الیون کو حاصل ہیں، سابق کپتان وسیم اکرم اور آف اسپنر ثقلین مشتاق شین وارن کی ٹیم کا حصہ ہیں۔