یونس خان کی جگہ افتخاراحمد ٹیم میں شامل

ویزے کے حصول کے بعد افتخار احمد کی کل دبئی روانگی کا امکان ہے۔ فوٹو:فائل

---

پاکستانی تجربہ کار مڈل آرڈر بلے باز یونس خان کی اچانک ریٹائرمنٹ کے بعد سلیکشن کمیٹی نے ان کی جگہ افتخار احمد کو منتخب کرلیا۔

ایکسپریس نیوز کے مطابق پاکستان اور انگلینڈ کے درمیان دوسرے ون ڈے کے لئے ٹیم مینجمنٹ کی درخواست پر قومی سلیکشن کمیٹی نے یونس خان کی جگہ افتخار احمد کو منتخب کرلیا۔ افتخار احمد ان دنوں قائداعظم ٹرافی میں واپڈا کی ٹیم کی جانب سے نمائندگی کر رہے ہیں اور ویزے کے حصول کے بعد ان کی کل دبئی روانگی کا امکان ہے۔

واضح رہے کہ افتخار احمد کا تعلق پشاور سے ہے اور وہ اب تک 29 فرسٹ کلاس میچز میں ایک ہزار 522 رنز بنا چکے ہیں جس میں 3 سنچریاں اور 8 نصف سنچریاں شامل ہیں جب کہ ان کی اننگز کا بہترین اسکور 150 ہے۔