دوبارہ اسپیکر منتخب ہونے پر قومی اسمبلی کی بھیگی بلیوں نے مجھ سے مصافحہ نہیں کیا ایاز صادق

KARACHI:
اسپیکر قومی اسمبلی ایاز صادق کا کہنا ہے کہ دوبارہ اسپیکر منتخب ہونے کے بعد تمام اراکین نے مجھ سے مصافہ کیا لیکن قومی اسمبلی کی بھیگی بلیوں نے مجھ سے مصافحہ نہیں کیا۔


ایکسپریس نیوز کے مطابق چوہدری اختر رسول کی جانب سے اپنے اعزاز میں دیئے گئے عشائیے سے خطاب کرتے ہوئے اسپیکر قومی اسمبلی ایاز صادق نے کہا کہ دنیا کا واحد رکن قومی اسمبلی ہوں جو ایک ہی اسمبلی کا دو بار اسپیکر منتخب ہوا جب کہ اسپیکر قومی اسمبلی منتخب ہونے کے بعد قومی اسمبلی کے تمام اراکین نے مجھ سے مصافہ کیا مگر تحریک انصاف نے روایات نے خلاف سلوک برتا اور قومی اسمبلی کی بھیگی بلیوں نے مجھ سے مصافحہ نہیں کیا لیکن اسپیکر قومی اسمبلی ہوں لہٰذا مجھے غیر جانبدار ہی رہنا ہے۔

ایاز صادق نے کہا کہ عوام کی طرف سے مجھے آج گولڈ میڈل پہنایا گیا ہے جو مسلم لیگ (ن) کا اعزاز ہے تاہم مسلم لیگ (ن)اور حلقے کے عوام کا ساتھ ملتا رہا تو اسپیکر قومی اسمبلی کا بوجھ سنبھالتا رہوں گا۔