وزارت داخلہ نے صوبوں کو کالعدم تنظیموں کی نئی فہرست ارسال کرتے ہوئے اُن کی کڑی نگرانی کی ہدایت کی ہے۔
ایکسپریس نیوز کے مطابق وزارت داخلہ کی جانب سے چاروں صوبوں کو بھیجی گئی نئی فہرست میں 46 تنظیموں کو کالعدم قرار دیا گیا ہے جبکہ ایک کو واچ لسٹ میں شامل کیا گیا ہے۔
کالعدم تنظیموں میں تحریک طالبان پاکستان ،لشکر جھنگوی، سپاہ محمد، جیش محمد، لشکر طیبہ اور لشکراسلام سرفہرست ہیں۔
وزارت داخلہ کے مراسلے میں صوبوں کو ہدایت کی گئی ہے کہ ان تنظیموں اور ان کے کارکنوں کی کڑی نگرانی کی جائے۔