معروف ادیب اورانسپکٹر جمشید سیریز کے خالق اشتیاق احمد انتقال کرگئے
اشتیاق احمد کے تحریر کردہ ناولوں کی مجموعی تعداد 8 سوسے بھی زائد ہے.
اشتیاق احمد اپنی زندگی کی 71 بہاریں دیکھ چکے تھے،فوٹو:فائل
PESHAWAR:
انسپکٹر جمشید سیریز کے خالق اور نامور ادیب اشتیاق احمد کراچی میں دل کا دورہ پڑنے سے انتقال کرگئے۔
ایکسپریس نیوز کے مطابق اشتیاق احمد کراچی میں ہونے والے کتب میلے میں شرکت کے بعد واپس اپنے آبائی شہر جھنگ جانے کے لئے ایئرپورٹ پر موجود تھے کہ اچانک انہیں دل کا دورہ پڑا جس کے باعث وہ جانبر نہ ہوسکے۔ وہ کراچی میں اپنے ناولز کے حوالے سے ایک ادبی تقریب میں شرکت کے لئے آئے ہوئے تھے اور گزشتہ روز ایکسپو سینٹر میں ہونے والے عالمی کتب میلے میں بھی انہوں نے شرکت کی تھی۔
اشتیاق احمد 1944 میں بھارت کی ریاست پانی پت کے ایک غریب گھرانے میں پیدا ہوئے اور قیام پاکستان کے بعد ان کا خاندان پاکستان کے شہر جھنگ میں آکر آباد ہوا۔ ان کی پہلی کہانی 1960 میں ہفت روزہ قندیل میں چھپی جس کا عنوان تھا 'بڑا قد'۔ ان کے پہلے ناول کا نام ' پیکٹ کا راز' تھا جو ایک رومانوی ناول تھا اور اس کا معاوضہ 50 روپے کی صورت میں ملا تھا۔
اشتیاق احمد اپنی زندگی کی 71 بہاریں دیکھ چکے تھے ،وہ بچوں سے متعلق رسالوں کے مدیر بھی رہے، آپ بچوں اور بڑوں میں یکساں مقبول تھے اور انہوں نے ہزاروں کہانیاں اور سیکڑوں ناول لکھے جنہیں بھرپور پذیرائی اور مقبولیت حاصل ہوئی لیکن ان کی وجہ شہرت ان کے تحریر کردہ جاسوسی ناولز ہیں جن میں سے "انسپکٹر جمشید سیریز" نے بے پناہ مقبولیت حاصل کی۔ محمود، فاروق، فرزانہ اور انسپکٹر جمشید کے کردار پڑھنے والوں کے ذہن میں ہمیشہ جاگزیں رہیں گے جب کہ ان کی انسپکٹر کامران سیریز اور شوکی سیریز کو بھی خاصی پذیرائی ملی۔ ان کے تحریرکردہ ناولوں کی مجموعی تعداد 8 سوسے بھی زائد ہے۔
https://www.dailymotion.com/video/x3e9hvs_ishtiaq-ahmed-death_news
انسپکٹر جمشید سیریز کے خالق اور نامور ادیب اشتیاق احمد کراچی میں دل کا دورہ پڑنے سے انتقال کرگئے۔
ایکسپریس نیوز کے مطابق اشتیاق احمد کراچی میں ہونے والے کتب میلے میں شرکت کے بعد واپس اپنے آبائی شہر جھنگ جانے کے لئے ایئرپورٹ پر موجود تھے کہ اچانک انہیں دل کا دورہ پڑا جس کے باعث وہ جانبر نہ ہوسکے۔ وہ کراچی میں اپنے ناولز کے حوالے سے ایک ادبی تقریب میں شرکت کے لئے آئے ہوئے تھے اور گزشتہ روز ایکسپو سینٹر میں ہونے والے عالمی کتب میلے میں بھی انہوں نے شرکت کی تھی۔
اشتیاق احمد 1944 میں بھارت کی ریاست پانی پت کے ایک غریب گھرانے میں پیدا ہوئے اور قیام پاکستان کے بعد ان کا خاندان پاکستان کے شہر جھنگ میں آکر آباد ہوا۔ ان کی پہلی کہانی 1960 میں ہفت روزہ قندیل میں چھپی جس کا عنوان تھا 'بڑا قد'۔ ان کے پہلے ناول کا نام ' پیکٹ کا راز' تھا جو ایک رومانوی ناول تھا اور اس کا معاوضہ 50 روپے کی صورت میں ملا تھا۔
اشتیاق احمد اپنی زندگی کی 71 بہاریں دیکھ چکے تھے ،وہ بچوں سے متعلق رسالوں کے مدیر بھی رہے، آپ بچوں اور بڑوں میں یکساں مقبول تھے اور انہوں نے ہزاروں کہانیاں اور سیکڑوں ناول لکھے جنہیں بھرپور پذیرائی اور مقبولیت حاصل ہوئی لیکن ان کی وجہ شہرت ان کے تحریر کردہ جاسوسی ناولز ہیں جن میں سے "انسپکٹر جمشید سیریز" نے بے پناہ مقبولیت حاصل کی۔ محمود، فاروق، فرزانہ اور انسپکٹر جمشید کے کردار پڑھنے والوں کے ذہن میں ہمیشہ جاگزیں رہیں گے جب کہ ان کی انسپکٹر کامران سیریز اور شوکی سیریز کو بھی خاصی پذیرائی ملی۔ ان کے تحریرکردہ ناولوں کی مجموعی تعداد 8 سوسے بھی زائد ہے۔
https://www.dailymotion.com/video/x3e9hvs_ishtiaq-ahmed-death_news