نیشپا آئل فیلڈ کو ترقی دینے کیلیے148کروڑ ڈالر کا معاہدہ

تیل و گیس کی اس پیداوار سے توانائی کے شعبے پر مثبت اثرات مرتب ہوں گے

Khususi Reporter November 18, 2015

تیل و گیس کی اس پیداوار سے توانائی کے شعبے پر مثبت اثرات مرتب ہوں گے فوٹو: فائل

آئل اینڈ گیس ڈیولپمنٹ کمپنی لمیٹڈ (اوجی ڈی سی ایل) اور ہانگ کانگ ہوئیھو گلوبل ٹیکنالوجی لمیٹڈ (ایچ بی پی سائنس اینڈ ٹیکنالوجی کارپوریشن لمیٹڈ) نے ڈیزائن، فراہمی، تعمیر اور نیشپا آئل فیلڈ سے ایل پی جی نکالنے کی سہولت کے معاہدے پر دستخط کردیے۔

اس سلسلے میں منگل کو او جی ڈی سی ایل ہیڈ کوارٹرز میں تقریب ہوئی جس میں او جی ڈی سی ایل کے ایم ڈی زاہد میر اور چائنا آئل ایچ بی پی کے چیئرمین نے مفاہمتی یادداشت پر دستخط کیے ، یہ منصوبہ مئی 2017 تک مکمل ہو گا اور اس پر 148 ملین امریکی ڈالر لاگت آئے گی، اس منصوبے کی تکمیل کے بعد نیشپا فیلڈ سے 100 ایم ایم ایس سی ایف گیس، ایل پی جی کے حجم میں 373 میٹرک ٹن اور کنڈنسیٹ آئل میں 18500 بیرل روزانہ کا اضافہ ہو گا۔

تیل و گیس کی اس پیداوار سے توانائی کے شعبے پر مثبت اثرات مرتب ہوں گے اور ملک میں توانائی کے بحران پر قابو پانے میں مدد ملے گی۔ اس موقع پر چائنا آئل ایچ بی پی سائنس اینڈ ٹیکنالوجی کارپوریشن لمیٹڈ کے چیئرمین نے یقین دلایا کہ اس منصوبے کو مقررہ مدت میں مکمل کرنے کی بھرپور کوشش کی جائے گی۔