بلدیاتی انتخابات کا دوسرا مرحلہ ڈی جی رینجرز کی وزیراعلی سندھ کو سیکیورٹی انتظامات پر بریفنگ

ملاقات میں صوبے میں 14 اضلاع میں بلدیاتی انتخابات کے انتظامات اور سیکیورٹی کے حوالے سے گفتگو کی گئی:فوٹو:فائل

---

ڈی جی رینجرز سندھ میجر جنرل بلال اکبر نے وزیر اعلیٰ سندھ قائم علی شاہ کو صوبے کے 14 اضلاع میں کل ہونے والے بلدیاتی انتخابات کے حوالے سے اٹھائے گئے سیکیورٹی اقدامات پر تفصیلی بریفنگ دی ہے۔

ایکسپریس نیوزکے مطابق ڈی جی رینجرزمیجر جنرل بلال اکبر نے وزیر اعلیٰ ہاؤس کراچی میں وزیراعلی سندھ سید قائم علی شاہ سے ملاقات ہوئی۔ ملاقات کے دوران جمعرات کو ہونے والے بلدیاتی انتخابات کے پر امن انعقاد کے لئے سیکیورٹی انتظامات پر تفصیلی بات کی گئی۔

ڈی جی رینجرز میجر جنرل بلال اکبر نے 14 اضلاع میں رینجرز اہلکاروں کی تعیناتی کے حوالے سے وزیراعلی کو بریفنگ دی،اس موقع پر وزیراعلی کا کہنا تھا کہ بلدیاتی انتخابات کے موقع پر سیکیورٹی کو یقینی بنایا جائے اور امن و امان کو ہر صورت برقرار رکھا جائے۔