دبنگ خان کا ہالی ووڈ میں کام کرنے سے انکار

LONDON:
بالی ووڈ پرا راج کرنے والے دبنگ سپر اسٹار سلمان خان نے ہالی ووڈ میں کام کرنے سے انکار کردیا ہے۔

بالی ووڈ اسٹار سلمان خان کا شمار بھارتی فلم نگری کے صف اول کے اداکاروں میں ہوتا ہے جب کہ اداکار سلمان خان نے متعدد بلاک بسٹر فلموں میں اداکاری کے جوہر دکھائے ہیں یہی وجہ ہے کہ اب فلم میں سلمان خان کا نام ہی کامیابی کا ضامن سمجھا جاتا ہے تاہم سلو میاں نے دنیا کی سب سے بڑی فلم انڈسٹری ہالی ووڈ میں کام کرنے سے انکار کردیا ہے ۔


اپنے ایک انٹرویو میں سلمان خان کا کہنا تھا کہ بھارتی فلم انڈسٹری میں بہت خوش ہوں اور ہمیشہ بھارت میں کام کرتا رہوں گا کیوں کہ ہندی میں ڈائیلاگ بولنا اچھا لگتا ہے جب کہ کئی سالوں سے ہندی میں ڈائیلاگ بول رہا ہوں اس لیے اچانک انگش میں ڈائیلاگ بولتے عجیب لگوں گا۔

سلمان خان نے کہا کہ ہالی ووڈ میں کام کرنا بہت مشکل ہے اور مجھے نام بنانے میں کئی عرصہ گزر جائے گا جس کے لیے سخت محنت کرنا ہوگی جب کہ بالی ووڈ میں مجھے نام ،عزت اور پیار مل رہا ہے تو پھر میں کیوں ہالی ووڈ میں کام کروں۔

واضح رہے کہ سلمان خان اپنی نئی آنے والی فلم ''سلطان'' کے لیے سخت تربیت لے رہے ہیں جب کہ فلم کی شوٹنگ رواں ماہ شروع کی جائے گی۔