بلاول بھٹو نے سندھ کی بعض یونین کونسلزمیں انتخابات ملتوی کرنے کو متنازع فیصلہ قرار دیدیا

انتخابات سے ایک روز قبل صرف چند یونین کونسلز میں الیکشن ملتوی کرنا انتہائی متنازع فیصلہ ہے، بلاول بھٹو، فوٹو: فائل

---

پاکستان پیپلزپارٹی کے چیرمین بلاول بھٹو زرداری نے سندھ کی 81 یونین کونسلز میں بلدیاتی انتخابات ملتوی کرنے کے فیصلہ کو متنازع قرار دے دیا ہے۔

سماجی رابطے کی ویب سائٹ ٹوئٹر پر اپنے بیان میں پیپلزپارٹی کے چیرمین بلاول بھٹو زرداری نے الیکشن کمیشن کی جانب سے 81 یونین کونسلز میں الیکشن ملتوی کرنے کے فیصلے کو شدید تنقید کا نشانہ بناتے ہوئے اسے منتازع فیصلہ قرار دیا جب کہ بلاول بھٹو کا کہنا تھا کہ انتخابات سے صرف ایک روز قبل صرف سندھ کے چند اضلاع میں الیکشن ملتوی کرنا انتہائی متنازع فیصلہ ہے۔

Extremely controversial decision to postpone LB elections in certain UCs ,predominantly in Sindh, the night before the election.

— BilawalBhuttoZardari (@BBhuttoZardari) November 18, 2015

واضح رہے سندھ ہائی کورٹ نے سندھ کے کچھ اضلاع میں 24 گھنٹوں کے اندر نئی انتخابی حلقہ بندیاں کرنے کا حکم دیا تھا جس کے جواب میں الیکشن کمیشن نے سپریم کورٹ کے حکم کے بعد سندھ کے 81 اضلاع میں بلدیاتی انتخابات ملتوی کرنے کا فیصلہ کیا ہے۔