شاہ رخ خان کا فلم ’’فین‘‘ کی شوٹنگ ختم ہونے پر افسردگی کا اظہار

ہم چاہتے ہیں کہ کچھ فلمیں کبھی نہ ختم ہوں فلم فین کے لیے بھی ایسے ہی جذبات ہیں، بالی ووڈ اسٹار ، فوٹو: فائل

---

بالی ووڈ کنگ شاہ رخ خان نے اپنی نئی آنے والی فلم ''فین'' کی شوٹنگ ختم ہونے پر افسردگی کا اظہار کیا ہے۔

بالی ووڈ کے سپر اسٹار شاہ رخ خان کا شمار صف اول کے اداکاروں میں ہوتا ہے اور فلم انڈسٹری میں انہیں ''کنگ'' اور ''شہنشاہ جذباتیت'' بھی کہا جاتا ہے جب کہ کنگ خان کئی بلاک بسٹر فلموں میں اداکاری کے جوہر دکھا چکے ہیں جس میں کئی شہرہ آفاق فلمیں شامل ہیں تاہم وہ نئی آنے والی فلم ''فین'' کواپنے قریب تر سمجھتے ہیں یہی وجہ ہے کہ ان کا فلم ''فین'' سے جذباتی لگاؤ زیادہ ہے اسی لیے انہوں نے فلم کی شوٹنگ کے تجربات کو کبھی نہ ختم ہونے کی خواہش کا اظہار کیا ہے۔

سماجی رابطے کی ویب سائٹ ٹوئٹر پر اپنے پیغام میں شاہ رخ خان کا کہنا تھا کہ ہم چاہتے ہیں کہ کچھ فلمیں کبھی نہ ختم ہوں اور فلم فین کے لیے بھی ایسے ہی جذبات ہیں تاہم زندگی کے اچھے تجربات کے ختم ہونے پر افسردہ ہوں۔

Sum films u never want to end. Making Fan has been that emotion. It’s sad that all good things have to end too…like Life Love & Laughter.

— Shah Rukh Khan (@iamsrk) November 19, 2015

واضح رہے کہ شاہ رخ خان کی فلم ''فین'' اگلے برس 15 اپریل کو ریلیزکی جائے گی۔