مسجد الحرام میں معذور اور معمر افراد کے طواف کیلیے خصوصی ٹریک بنادیا گیا

مسجد الحرام کے میزنائن فلور پر طواف ٹریک معذور اور معمر حجاج کے لیے مختص کردیا گیا ہے۔

عرب ویب سائٹ کے مطابق مسجد الحرام میں توسیع منصوبے کے دوران انتظامیہ نے مسجد کے 10 میٹر چوڑے طواف ٹریک کو معمر اور معذور حجاج کے لیے مختص کردیا ہے جس پر معذر حجاج وہیل چیئرز کے ذریعے فریضہ حج اور عمرہ کے دوران بآسانی طواف کرسکیں گے۔


مسجد الحرام کے توسیع منصوبے کے ماہرین کے مطابق اس خاص ٹریک کا 80 فیصد کام مکمل ہوچکا ہے اور آئندہ چند ماہ میں اسے مکمل کرکے خصوصی افراد کے لیے کھول دیاجائے گا۔