عامر خان کی گاڑی سے ٹکرا کر موٹر سائیکل سوار شخص زخمی

بالی ووڈ کے سپر اسٹار اور مسٹر پر فیکشنسٹ کے نام سے مشہور عامر خان کی کار حادثے کا شکار ہوگئی جس کے نتیجے میں ایک شخص زخمی ہوگیا۔


گزشتہ رات بالی ووڈ اسٹار عامر خان کی گاڑی نے موٹر سائیکل کو ٹکر ماردی جس کے نتیجے میں موٹر سائیکل سوار نوجوان شدید زخمی ہوگیا جسے اسپتال منتقل کیا گیا تاہم عامر خان حادثے میں محفوظ رہے۔

میڈیا رپورٹس کے مطابق عامر خان اپنی گاڑی میں رائے گڑھ سے پنچ گنی جارہے تھے کہ مخالف سمت سے آنے والی موٹر سائیکل ان کی گاڑی سے ٹکراگئی جب کہ حادثے کے وقت گاڑی عامر خان کا ڈرائیور چلارہا تھا تاہم مسٹر پرفیکشنسٹ نے زخمی کو اپنی ہی گاڑی میں اسپتال پہنچایا اور پولیس کو واقعے کی اطلاع دی۔