رنویر سنگھ چند فلموں کی کامیابی کے بعد اونچی اڑان اڑنے لگے

رنویر سنگھ فلمساز سنجے لیلا بھنسالی کی فلم ’’باجی راؤ مستانی‘‘ میں کام کرنے کا معاوضہ فلم کے منافع سے وصول کریں گے، فوٹو:فائل

---

KARACHI: بالی ووڈ کے شوخ و چنچل اداکار رنویر سنگھ اپنی فلموں کی کامیابی کے بعد اونچی اڑان اڑنے لگے ہیں جس کے بعد وہ اپنی نئی آنے والی فلم''باجی راؤ مستانی'' میں کام کرنے کا معاوضہ فلم کے منافع سے وصول کریں گے۔

بالی ووڈ اداکار رنویر سنگھ نے 2010 میں ریلیز ہونے والی فلم''بینڈ باجا بارات'' سے اپنی فلمی کیرئیر کا آغاز کیا جس کے بعد کئی فلموں میں ایکشن میں نظر آئے جب کہ پے درپے فلموں کی کامیابی نے رنویرسنگھ کو آسمان پر پہنچا دیا ہے جس کے بعد انہوں نے شاہ رخ خان ، سلمان خان اور عامر خان کے نقش قدم پر چلتے ہوئے فلم کے منافع سے معاوضہ لینا شروع کردیا ہے۔

میڈیا رپورٹس کے مطابق رنویر سنگھ فلمساز سنجے لیلا بھنسالی کی فلم ''باجی راؤ مستانی'' میں کام کرنے کا معاوضہ فلم کے منافع سے وصول کریں گے جب کہ فلم میں ان کے مد مقابل پریانکا چوپڑا اور دپیکا پڈوکون جلوہ گر ہوں گی۔

واضح رہے کہ فلم ''باجی راؤ مستانی'' 18 دسمبر کو ریلیز کی جائے گی۔