ڈی جی رینجرز سندھ کی کراچی آپریشن مزید تیز کرنے کی ہدایت

رینجرز ہیڈکوارٹرمیں میجرجنرل بلال اکبرکی زیرصدارت اہم اجلا، شہر میں رینجرز کے خلاف اشتہارات کا نوٹس۔ فوٹو:فائل

---

ڈائریکٹرجنرل رینجرز سندھ میجر جنرل بلال اکبر نے کراچی آپریشن مزید تیز کرنے کی ہدایت کی ہے۔

ایکسپریس نیوز کے مطابق رینجرز ہیڈکوارٹر میں ڈی جی رینجرز میجر جنرل بلال اکبر کی زیر صدارت اہم اجلاس ہوا جس میں رینجرز اہلکاروں پر ہونے والے حالیہ حملوں کی شدید مذمت کی گئی۔ اس موقع پر انہوں نے رینجرز کے خلاف اشتہارات اور مختلف جماعتوں کی جانب سےاشتعال انگیزتقاریرکا بھی نوٹس لیا جب کہ میجر جنرل بلال اکبر نے کراچی آپریشن میں مزید تیزی لانے کی بھی ہدایت کی۔

واضح رہے کہ 20 نومبر کو بلدیہ ٹاؤن کے علاقے اتحاد ٹاؤن میں دہشت گردوں نے فائرنگ کرکے 4 رینجرز اہلکاروں کو شہید کردیا تھا۔