ششانک منوہرسےملاقات کی تفصیلات چند روزمیں واضح ہوجائیں گی شہریارخان

بی سی سی آئی صدر سے ملاقات کی تفصیلات جائلز کلارک ایک دو روز میں بریفنگ دیں گے، چیئرمین پی سی بی. فوٹو: فائل

---

چیئرمین پی سی بی شہریار خان کا کہنا ہے کہ بی سی سی آئی کے صدر ششانک منوہر سے ملاقات مثبت رہی اس حوالے سے چند روز میں تفصیلات واضح ہوجائیں گی۔

لاہور میں میڈیا کے نمائندوں سے بات کرتے ہوئے شہریار خان کا کہنا تھا کہ پاک بھارت کرکٹ سیریز کے لئے بی سی سی آئی صدر ششانک منوہر سے ملاقات مثبت رہی اس حوالے سے آئی سی سی ٹاسک فورس کے صدر جائلز کلارک ایک دو روز میں پریس کانفرنس میں دبئی میں ہونے والی ملاقات سے متعلق بریفنگ دیں گے جب کہ وزیراعظم سے ملاقات میں تمام معاملات سے آگاہ کروں گا۔