انڈر19ون ڈے کرکٹ کراچی وائٹس نے حیدرآباد کو 170 رنز سے شکست دے دی

این بی پی کیخلاف پی آئی اے کی ٹیم 7وکٹ سے کامیاب رہی۔ فوٹو فائل

---

انٹرریجن ، ڈپارٹمنٹ انڈر19 ون ڈے کرکٹ ٹورنامنٹ میں کراچی وائٹس نے حیدرآباد کو 170رنز سے شکست دے دی۔

فاتح ٹیم نے 45 اوورز میں 6 وکٹ پر 228رنز بنائے، مرزا سجاد بیگ نے 62 کی اننگز کھیلی، حیدرآباد کی ٹیم 58 پر ڈھیر ہوگئی، محمد احمد نے 26رنز دیکر 6وکٹیں لیں۔بہاولپور کیخلاف کوئٹہ نے 4وکٹ سے کامیابی حاصل کی، جمال نے 7کھلاڑیوں کو پویلین چلتا کرتے ہوئے بہاولپور کو 82 پر محدود کردیا، کوئٹہ نے آسان ہدف 6 وکٹ پر حاصل کیا۔

نعمان اکرم نے 5 وکٹیں لیں۔این بی پی کیخلاف پی آئی اے کی ٹیم 7وکٹ سے کامیاب رہی، امام الحق نے 100رنز ناٹ آئوٹ بنائے۔کراچی بلوز کو راولپنڈی نے 12رنز اور لاہور شالیمار نے فیصل آباد کو 6وکٹ سے مات دی، زیڈ ٹی بی ایل کو اسٹیٹ بینک نے 18رنز سے ہرایا، شاہان اکرم نے 107 کی ناقابل شکست اننگز کھیلی۔پورٹ قاسم کوکے آر ایل نے 2وکٹ سے زیر کیا،ایبٹ آباد کیخلاف پشاور نے سنسنی خیز مقابلہ ایک رن سے جیتا، سیالکوٹ نے لاہور راوی کو 60رنز سے قابو کیا۔