ن لیگ حکومتی اثرورسوخ سے بلدیاتی انتخابات کے نتائج تبدیل کررہی ہے بلاول بھٹو

نئے ولولے سے عام اتنخابات کی تیاریوں کا آغاز پنجاب سے کروں گا، چیرمین پیپلزپارٹی ، فوٹو: فائل

---

ISLAMABAD: پیپلزپارٹی کے چیرمین بلاول بھٹو زرداری کا کہنا ہے کہ نواز لیگ حکومتی اثرورسوخ سے بلدیاتی انتخابات کے نتائج تبدیل کررہی ہے۔

کراچی کے بلاول ہاؤس میں پاکستان پیپلزپارٹی پنجاب کے صدر منظور وٹو نے چیرمین بلاول بھٹو زرداری سے ملاقات کی جس میں انہوں نے پارٹی چیرمین کو پنجاب میں بلدیاتی الیکشن کے دوران مبینہ دھاندلی پر بریفنگ دی جب کہ منظور وٹو کا کہنا تھا کہ (ن) لیگ پورے پنجاب خاص طور پر منڈی بہاوالدین میں دباؤ ڈال رہی ہے۔

اس موقع پر بلاول بھٹو زرداری کا کہنا تھا کہ نواز لیگ بلدیاتی انتخابات میں حکومتی اثرورسوخ استعمال کرکے پنجاب میں دوبارہ گنتی کے نام پر انتخابی نتائج تبدیل کررہی ہے۔ انہوں نے کہا کہ پیپلزپارٹی عوام کے حقوق کی جدوجہد کررہی ہے جب کہ نئے ولولے کے ساتھ عام اتنخابات کی تیاریوں کا آغاز پنجاب سے کروں گا۔