ناردرن بائی پاس پر مقابلے میں 4 دہشت گرد ہلاک ترجمان رینجرز

دہشت گردوں کی فائرنگ کے نتیجے میں ایک اہلکار بھی زخمی ہوا، ترجمان رینجرز، فوٹو: فائل

---

ناردرن بائی پاس پر رینجرز اور دہشت گردوں کے درمیان مقابلے میں 4 دہشت گرد ہلاک جب کہ ایک رینجرز اہلکار زخمی ہوگیا۔

ترجمان رینجرز کے مطابق رینجرز نے ناردن بائی پاس سے متصل علاقے میں خفیہ اطلاع پر چھاپا مارا جس کے نتیجے میں علاقے میں چھپے ہوئے دہشت گردوں نے فائرنگ کردی، رینجرز کی جوابی فائرنگ کے نتیجے میں 4 دہشت گرد ہلاک جب کہ دہشت گردوں کی فائرنگ سے ایک رینجرز اہلکار بھی زخمی ہوگیا جسے طبی امداد کے لیے اسپتال منتقل کردیا گیا ہے۔

ترجمان رینجرز کا کہنا ہے کہ ہلاک دہشت گرد جرائم کی سنگین وارداتوں میں ملوث تھے اور ان کے قبضےسے اسلحہ اور دیگر سامان بھی برآمد ہوا ہے جب کہ علاقے میں مزید دہشت گردوں کی موجودگی کی اطلاع پر علاقے کا محاصرہ کرکے سرچ آپریشن کیا جارہا ہے۔