سلمان خان اپنے دوست کنگ خان کے میزبان بنیں گے

شاہ رخ اور کاجول فل م’’دل والے‘‘ کی تشہیر کے لیے پہلی بار سلمان خان کے مشہور رئیلٹی شو’’بگ باس 9‘‘میں شرکت کریں گے، فوٹو: فائل

---

BEIJING: بالی ووڈ کے کنگ شاہ رخ خان اپنی نئی آنے والی فلم ''دل والے'' کی تشہیر کے لیے پہلی بار دبنگ اسٹار سلمان خان کے مشہور رئیلٹی شو ''بگ باس 9'' میں شرکت کریں گے۔

بالی ووڈ کے حکمران خانز شاہ رخ خان اور سلمان خان کی دوستی وقت کے ساتھ ساتھ مزید گہری ہوتی جارہی ہے جس کے بعد دونوں اداکار ایک دوسرے کی فلموں کی تشہیر بھی کرتے نظر آتے ہیں تاہم اب دونوں اداکار طویل عرصے بعد مشہور رئیلٹی شو میں ایک ساتھ نظر آئیں گے جس کی میزبانی سلمان خان کریں گے۔

میڈیا رپورٹس کے مطابق بالی ووڈ کے کنگ شاہ رخ خان اپنی نئی آنے والی فل م''دل والے'' کی پروموشن کے لیے پہلی بار سلمان خان کے مشہور رئیلٹی شو''بگ باس 9''میں شرکت کریں گے جب کہ فلم میں مرکزی کردار ادا کرنے والی اداکارہ کاجول بھی ان کے ہمراہ ہوں گی۔

واضح رہے کہ ہدایتکار روہت شیٹھی کی فلم ''دل والے'' 18 دسمبر کو ریلیز کی جائے گی۔