وزیراعظم نوازشریف دولت مشترکہ اجلاس میں شرکت کیلئے مالٹا روانہ

دولت مشترکہ کا سربراہی اجلاس ہر دوسال بعد ہوتا ہے فوٹو: فائل

---

KARACHI: وزیر اعظم نواز شریف دولت مشترکہ کے 3 روزہ سربراہ اجلاس میں شرکت کے لئے مالٹا کے سرکاری دورے پر روانہ ہوگئے ہیں۔

سرکاری نشریاتی ادارے کے مطابق دولت مشترکہ کا سربراہی اجلاس ہر دوسال بعد ہوتا ہے اور اس سال اجلاس کا عنوان ''عالمی اقدار کی اہمیت'' ہے۔ اجلاس میں پرتشدد' انتہا پسندی اوربنیاد پرستی ' پائیدار ترقیاتی اہداف اورہجرت کے امور پر بات چیت کی جائے گی، اس کے علاوہ رکن ممالک کے سربراہ آئندہ 4 برس کے لئے دولت مشترکہ سربراہ اجلاس کے جنرل سیکرٹری کا انتخاب بھی کریں گے۔

تین روزہ دولت مشترکہ اجلاس میں شرکت کے علاوہ وزیر اعظم اس موقع پر کئی عالمی رہنماؤں سے بھی ملاقات کریں گے جس میں دوطرفہ اور عالمی امور پر تبادلہ خیال کیا جائے گا۔