ڈاکٹرعاصم کیس تفتیشی افسر نے انتہائی چالاکی سے ریمانڈ کی مدت تبدیل کردی

انسداد دہشت گردی کی عدالت نے ڈکٹر عاصم کو 4 روزہ ریمانڈ پر پولیس کے حوالے کیا،فوٹو: فائل

---

MANSEHRA: سابق صدر آصف زرداری کے قریبی دوست ڈاکٹر عاصم کے جسمانی ریمانڈ کے معاملے میں تفتیشی افسر نے ریمانڈ کی مدت میں ردو بدل کردیا۔

ایکسپریس نیوز کے مطابق کراچی کے گلبرگ تھانے میں زیر حراست ڈاکٹر عاصم کو عدالت میں پیش کئے جانے سے قبل تفتیشی افسر نے دیگر حکام کو ریمانڈ کے حصول کی جو دستاویزات دکھائی تھیں ان میں عدالت سے 14 روزہ ریمانڈ کی استدعا کی گئی تھی تاہم جب انسداد دہشت گردی کی عدالت میں وہ تحریری استدعا پیش کی گئی اس میں انتہائی چالاکی کے ساتھ ایک کو صفر میں تبدیل کرکے 14 کو 4 میں بدل دیا جسے دیکھتے ہوئے عدالت نے بھی پولیس کو 4 روزہ ریمانڈ دیا۔

واضح رہے کہ انسداد دہشت گردی کی عدالت نے ڈکٹر عاصم کو 4 روزہ ریمانڈ پر پولیس کے حوالے کیا ہے۔