شاہد آفریدی ٹی ٹوئنٹی میں سب سے زیادہ وکٹیں حاصل کرنے والے بولربن گئے

اس سے قبل یہ ریکارڈ پاکستانی اسپنر سعد اجمل کے پاس تھا جو ٹی ٹوئنٹی فارمیٹ میں 85 وکٹوں کےساتھ سر فہرست تھے۔ فوٹو: فائل

---

قومی کرکٹ ٹیم کے اسٹار کرکٹر شاہد آفریدی ٹی ٹوئنٹی میں سب سے زیادہ وکٹیں حاصل کرنے والے بولربن گئے.

قومی ٹیم کے اسٹار آل راؤنڈر شاہد آفریدی نے سعید اجمل کا ٹی ٹوئنٹی میں سب سے زیادہ وکٹیں حاصل کرنے کا ریکارڈ توڑ کر اپنے نام کرلیا، شاہد آفریدی نے یہ اعزاز پاکستان اور انگلینڈ کے درمیان کھیلے جارہے دوسرے ٹی ٹوئنٹی میچ میں 3 وکٹیں حاصل کرنے کے بعد اپنے نام کیا جس کے بعد ان کی ٹی ٹوئنٹی فارمیٹ میں مجموعی وکٹوں کی تعداد 86 ہوگئی ہے جب کہ آل راونڈر ون ڈے میں 395 اور ٹیسٹ میں 48 وکٹیں حاصل کرچکے ہیں۔

واضح رہے کہ اس سے قبل یہ ریکارڈ پاکستانی اسپنر سعد اجمل کے پاس تھا جو ٹی ٹوئنٹی فارمیٹ میں 85 وکٹوں کےساتھ سر فہرست تھے۔