ملالہ کووالدین سے ملانے کابندوبست کررہے ہیںمیاں افتخار

چاہتے ہیں ملالہ کے والدین اپنی دھرتی پر رہیں، لیکن یہ ان کی مرضی پر منحصر ہے. فوٹو: آئی این پی/فائل

---

خیبرپختونخوا کے وزیراعلیٰ میاں افتخار حسین نے کہا ہے کہ حکومت ملالہ کے والدین کوان ملانے کا بندوبست کررہی ہے۔

لندن میں پاکستانی ہائی کمیشن میں پریس کانفرنس کرتے ہوئے انھوں نے کہا کہ ملالہ کے معالجوں کے مطابق ان کی صحت بہتر ہورہی ہے، ملالہ پر حملے کے بعد 90 فیصد پاکستانی دہشت گردوں سے نفرت کرنے لگے ہیں، ملالہ اکیلی نہیں بلکہ دنیا کے امن پسند لوگ ان کی پشت پرکھڑے ہیں۔

ایک سوال پر انھوں نے کہا کہ یہ ملالہ کے والدین کی مرضی پر ہے کہ وہ پاکستان میں رہنا چاہتے ہیں یا باہرلیکن ہم چاہیں گے کہ وہ اپنی دھرتی پر رہیں۔ انھوں نے کہا کہ ہم اپنی خودمختاری پر ناز کرتے ہیں ، ڈرون حملے ہماری خودمختاری کیخلاف ہیں، بہت جلد دہشت گردی کیخلاف کارروائی ہوگی۔