پشاورمیں پولیس اورسیکورٹی فورسزکی کارروائی میں 16افراد گرفتاراسلحہ ومنشیات برآمد

مچنی گیٹ کے علاقے میں پولیس اور سیکیورٹی فورسز کی کارروائی کے نتیجے میں 16 افراد گرفتار جب کہ اسلحہ اور منشیات بھی برآمد کیا گیا۔


ایکسپریس نیوز کے مطابق پولیس اورسیکورٹی فورسز کی جانب سے پشاور میں مچنی گیٹ کے علاقے میں مشترکہ سرچ آپریشن کیا گیا۔ آپریشن کے دوران 6 افغان باشدوں سمیت 10 مشکوک افراد کو حراست میں لے لیا گیا ہے جب کہ حراست میں لئے گئے افراد سے اسلحہ اورمنشیات بھی برآمد کرلیا گیا۔

پولیس کا کہنا ہے کہ گرفتارکیے گئے افراد کو نا معلوم جگہ پرمنتقل کر دیا گیا ہے جہاں ان سے پوچھ گچھ جاری ہے جب کہ اسلحہ اور منشیات بھی تحویل میں لے لی گئی ہے۔