کرپشن ریفرنس میں ڈاکٹرعاصم حسین کی گرفتاری ظاہر کردی گئی

ڈاکٹرعاصم کے خلاف ٹرسٹ اسپتال کو کمرشل بنیادوں پر چلانے کے الزامات کی تحقیقات کی جارہی ہے، فوٹو: فائل

---

FAISALABAD: نیب نے کرپشن ریفرنس میں سابق وزیر پٹرولیم اورآصف علی زرداری کے قریبی دوست ڈاکٹرعاصم حسین کی گرفتاری ظاہرکردی ہے۔



ایکسپریس نیوزکے مطابق ڈاکٹرعاصم کے خلاف 1984 میں بنائے گئے ٹرسٹ اسپتال کو کمرشل بنیادوں پرچلانے کے الزامات کی تحقیقات کی جارہی ہے، جس میں ڈاکٹرعاصم کی باقاعدہ گرفتاری ظاہرکردی گئی ہے۔ انہیں آج کو جسمانی ریمانڈ کی مدت مکمل ہونے پرانسداد دہشت گردی کی عدالت میں پیش کیا جائے گا جہاں سے جسمانی ریمانڈ نہ ملنے پر انہیں احتساب عدالت میں پیش کیا جائے گا۔

واضح رہے کہ انسداد دہشت گردی کی عدالت نے جمعرات کو ڈاکٹر عاصم حسین کو 4 روزہ ریمانڈ پر پولیس کے حوالے کیا تھا۔