آئی سی سی نے 2015 کے لئے ٹیسٹ اسکواڈ کا اعلان کردیا تین پاکستانی کھلاڑی بھی شامل

آئی سی سی کی ون ڈے ٹیم میں کوئی بھی پاکستانی کھلاڑی شامل نہیں۔ فوٹو: فائل

---

انٹر نیشنل کرکٹ کونسل نے 2015 کے لئے ٹیسٹ ٹیم کا اعلان کردیا ہے جس میں یونس خان سمیت 3 پاکستانی کھلاڑی بھی شامل ہیں۔

آئی سی سی کی جانب سے جاری بیان کے مطابق 18 ستمبر 2014 سے 13 ستمبر 2015 تک کھلاڑیوں کی کارکردگی کا جائزہ لے کر ٹیسٹ اور ون ڈے ٹیموں کے لئے کھلاڑیوں کا انتخابا کیا گیا۔ 2015 کے لئے منتخب کی گئی ٹیسٹ ٹیم کے لئے انگلینڈ کے الیسٹر کک کو کپتان مقرر کیا گیا ہے جب کہ دیگر کھلاڑیوں میں ڈیوڈ وارنر، کین ولیمسن، جوئے روٹ، اسٹیورٹ براڈ، ٹرینٹ بولٹ، جوز ہیزلے ووڈ اور اسٹیون اسمتھ شامل ہیں جب کہ بھارت کے روی چندرن ایشون کو بارہویں کھلاڑی کے طور پر ٹیم میں شامل کیا گیا ہے۔

آئی سی سی کی جانب سے 3 پاکستانی کھلاڑیوں کو بھی 2015 کی ٹیسٹ ٹیم میں شامل کیا گیا ہے جن میں تجربے کار بلے باز یونس خان، اسپنر یاسر شاہ اور وکٹ کیپر بلے باز سرفرازاحمد شامل ہیں۔

اس کے علاوہ آئی سی سی نے 2015 کے لئے ون ڈے ٹیم کا بھی اعلان کیا ہے جس میں کوئی بھی پاکستانی کھلاڑی شامل نہیں ہے۔ آئی سی سی ون ڈے ٹیم میں تلکارتنے دلشان، کمارا سنگا کارا، اے بی ڈویلیئرز، اسٹیون اسمتھ، روز ٹیلر، ٹرینٹ بولٹ، محمد شامی، مچل اسٹارک، مستفیض الرحمان اور عمران طاہر شامل ہیں جب کہ جوئے روٹ بارہویں کھلاڑی کے طور پر ٹیم میں شامل ہیں۔