بھارت میں گائے مسلمانوں سے زیادہ محفوظ ہے ششی تھرور

بھارتی لوک سبھا کے رکن ششی تھرور نے گزشتہ روز پارلیمان میں بات کرتے ہوئے کہا اْن کے ایک بنگلہ دیشی دوست نے انھیں کہا کہ بھارت میں ایک گائے ہونا مسلمان ہونے سے زیادہ تحفظ کی علامت ہے۔


ششی تھرورنے حکومت پر تنقید کرتے ہوئے کہا کہ اْن کے ایک بنگلہ دیشی دوست نے انھیں یہ بھی کہا کہ اْن کے ملک کے بنیاد پرست اْن پراس طرح کی بات کرتے ہوئے حملہ کرتے ہیں۔ کانگریس کے رہنما نے کہا کہ بھارت کو تنوع کے احترام کی بنیاد پر بنایا گیا تھا اور یہ حکومت کی ذمہ داری ہے کہ وہ اسے قائم رکھے۔

بھارت میں نفرت کا پرچار اور بیرونِ ملک میک ان انڈیا کی تشہیر ایک ساتھ نہیں چل سکتی ہیں۔ ششی تھرور کا نام رات سے پاکستان میں ٹرینڈ کر رہا ہے جس میں ان کے اس بیان کو پسند کیا جا رہا ہے، مگر بھارت میں بہت سے لوگ انہیں تنقید کا نشانہ بنا رہے ہیں اور اس حوالے سے اْن کی ذاتی زندگی پر الزامات عائد کیے جا رہے ہیں۔