ISLAMABAD: بیلہ کے قریب مسافر کوچ اور ٹرک میں تصادم کے نتیجے میں 9 افراد جاں بحق جب کہ7 زخمی ہوگئے۔

ایکسپریس نیوزکے مطابق بلوچستان کے علاقے بیلہ کے قریب کوئٹہ سے کراچی آنے والی کوچ کا ٹرک سے تصادم ہوگیا۔ تصادم کے نتیجے میں 9 افراد جاں بحق جب کہ 7 افراد زخمی ہوگئے۔زخمی افراد میں بچے اور خواتین بھی شامل ہیں۔

ریسکیو ٹیموں نے مقامی افراد کی مدد سے کوچ میں پھنسے ہوئے مسافروں کو نکال کر لاشوں اورزخمیوں کو قریبی اسپتال منتقل کردیا جہاں معمولی زخمیوں کو طبی امداد فراہم کی جارہی ہے جب کہ شدید زخمیوں کو کراچی منتقل کردیا گیاہے۔