عامر خان کے ساتھ فلم میں رومانوی کردار ادا کرنا چاہتی ہوں سنی لیون

عامر خان باصلاحیت اور بہترین اداکار ہیں جن کے ساتھ کام کرنا دنیا کی ہر اداکارہ کی خواہش ہے،بالی ووڈ اداکارہ ،فوٹو: فائل

---

NEW DELHI: بالی ووڈ میں اپنی بے باک اداکاری کے حوالے سے مشہور اداکارہ سنی لیون نے مسٹر پرفیکشنسٹ عامر خان کے ساتھ فلم میں کام کرنے کی خواہش کا اظہار کیا ہے۔

بالی ووڈ ادکارہ سنی لیون نے اپنے فلمی کیرئیر کا آغاز2012 میں ریلیز ہونے ولی فلم ''جسم 2''سے کیا جس کے بعد انہوں نے متعدد فلموں میں اداکاری کے جوہر دکھائے لیکن بالی ووڈ کے کسی بڑے اداکار کے ساتھ انہیں فلم میں کام کرنے کا موقع نہیں ملا جب کہ انہوں نے متعدد بار بھارتی فلم نگری کے نامور اداکاروں کے ساتھ فلموں میں کام کرنے کی خواہش کا اظہار کیا ہے تاہم اب انہوں نے ہندو انتہا پسندوں کے زیر عتاب اداکار عامر خان کے ساتھ فلم میں رومانس کرنے کی خواہش کا اظہار کیا ہے۔

اداکارہ سنی لیون کا کہنا تھا کہ عامر خان باصلاحیت اور بہترین اداکار ہیں جن کے ساتھ کام کرنا دنیا کی ہر اداکارہ کی خواہش ہے جب کہ میں عامر خان کی سب سے بڑی مداح ہوں یہی وجہ ہے کہ ان کے ساتھ فلم میں رومانس کرنے کی خواہشمند ہوں اور سماجی رابطے کی ویب سائٹ ٹوئٹر پر ان کا جواب دیکھ کر بہت خوشی ہوئی جو ناقابل بیان ہے۔