کراچی کے مختلف علاقوں میں فائرنگ سے 2 افراد جاں بحق 6 زخمی

لیاقت آباد سی ون ایریا میں فائرنگ سے 2 افراد جاں بحق جب کہ شیرشاہ، لانڈھی اور شاہ لطیف ٹاؤن میں 6 زخمی ہوگئے، فوٹو: فائل

---

بلدیاتی انتخابات کے موقع پر شہر میں امن وامان کی صورتحال خراب ہونا شروع ہوگئی جس میں مختلف علاقوں میں فائرنگ کے واقعات میں 2 افراد جاں بحق اور 6 زخمی ہوگئے۔

ایکسپریس نیوز کے مطابق فائرنگ کا پہلا واقعہ لیاقت آباد کے سی ون ایریا میں پیش آیا جہاں نامعلوم مسلح افراد کی فائرنگ کی زد میں آخر 2 افراد زخمی ہوگئے جنہیں ریسکیو اہلکاروں نے فوری طور پر اسپتال منتقل کردیا تاہم وہ زخموں کی تاب نہ لاتے ہوئے دم توڑ گئے۔ ایس ایس پی سینٹرل کے مطابق فائرنگ کا واقعہ ذاتی دشمنی کا نتیجہ ہے۔

فائرنگ کا دوسرا واقعے لانڈھی میں منزل پمپ پر پیش آیا جس میں 2 افراد زخمی ہوگئے جب کہ شاہ لطیف ٹاؤن اور شیر شاہ میں بھی نامعلوم مسلح افراد کی فائرنگ سے 2،2 افراد زخمی ہوگئے جنہیں فوری طبی امداد کے لیے قریبی اسپتال منتقل کردیا گیا۔