پاک بحریہ کے تحت انسداد منشیات کے لیے مشترکہ مشقیں آئندہ ہفتے شروع ہوں گی

انسداد منشیات مشقوں میں حصہ لینے کے لیے روسی بحری جہاز کراچی پہنچ گیا جہاں پاک بحریہ کے اعلیٰ افسران نے اس کا استقبال کیا۔


ترجمان پاک بحریہ کے مطابق انسداد منشیات کی مشقیں عریبین 2015 آئندہ ہفتے سے شروع ہوں گی جس میں شرکت کے لیے روسی بحری جہاز کراچی پہنچ گیا، روسی بحریہ جہاز وائس ایڈمرل کی قیادت میں کراچی پورٹ پہنچا جہاں پاک بحریہ کے اعلیٰ افسران اور دفاعی اتاشی نے اس کا استقبال کیا۔ ترجمان کے مطابق مشقوں میں پاک بحریہ کے علاوہ میری ٹائم سیکیورٹی ایجنسی بھی حصہ لے گی۔ ترجمان کے مطابق روسی بحریہ کا دورہ حکومت پاکستان کی پالیسی کے مطابق ہے جب کہ یہ دورہ دورہ خطے میں امن اور سیکیورٹی کو یقینی بنائے گا۔