بلدیاتی انتخابات سے ملک کوترقی کی راہ پرگامزن کرنے میں مدد ملے گی احسن اقبال

حکومت بجلی کی قلت پر قابو پانے کے لئے اقدامات کررہی ہے، احسن اقبال فوٹو: فائل

---

RAHIM YAR KHAN: وفاقی وزیربرائے منصوبہ بندی اورترقی احسن اقبال کہتے ہیں کہ بلدیاتی انتخابات سے جمہوریت کومستحکم اور ملک کو ترقی کی راہ پر گامزن کرنے میں مدد ملے گی۔

نارووال میں میڈیا سے بات کرتے ہوئے احسن اقبال نےکہا کہ بلدیاتی نظام جمہوری معاشرے کی بنیاد ہوتے ہیں، مقامی حکومتوں کے قیام سے عوام کے مسائل حل کرنے میں مدد ملے گی۔

وفاقی وزیرنے کہا کہ حکومت بجلی کی قلت پرقابو پانے ، دہشت گردی کے خاتمے اورمعیشت کو مضبوط بنانے کے لئے اقدامات کررہی ہے اوراس کے نتائج بتدریج سامنے آرہے ہیں۔ انہوں نے کہا کہ چین پاکستان اقتصادی راہداری نے ملک کی ترقی اورخوشحالی کے لئے نئی امید دی ہے۔