وزیراعظم نواز شریف کا پاک فضائیہ کی مشقوں کا معائنہ

ملک غیرروایتی جنگ سے دوچار ہے اور غیرروایتی جنگ سےنمٹنےکے لئے غیرروایتی حکمت عملی اپنائی ہے،وزیراعظم کا تقریب سے خطاب . فوٹو: فائل

---

وزیراعظم نواز شریف کا کہنا ہے کہ آپریشن ضرب عضب میں پاک فضائیہ کا کردار بہت اہمیت رکھتاہے جب کہ اندرونی اور بیرونی خطرات کے باوجود پاکستان آگے بڑھ رہا ہے۔

بلوچستان کے علاقے سونمیانی میں پاک فضائیہ کی جنگی مشقوں کا معائنہ کرنے کے بعد تقریب سے خطاب کرتے ہوئے وزیراعظم نواز شریف کا کہنا تھا کہ پاک فضائیہ کا دنیا میں کوئی ثانی نہیں جس کی مہارت پر مکمل اعتماد ہے،ایم ایم عالم اور رفیقی جیسے پائلٹس نے دنیا میں پاکستان کا نام روشن کیا، ملک غیرروایتی جنگ سے دوچار ہے اور غیرروایتی جنگ سےنمٹنےکے لئے غیرروایتی حکمت عملی اپنائی ہے۔ انہوں نے کہا کہ پاکستان سے دہشت گردی کا مکمل خاتمہ کیا جائے گا اور پاک آرمی کے ساتھ مل کر دہشت گردوں کے مراکز کو تباہ کیا گیا جب کہ پاک فضائیہ اور فوج ہمہ وقت ہر چیلنج سے نمٹنے کے لئے تیار ہیں۔

تقریب سے خطاب کرتے ہوئے ایئرچیف مارشل سہیل امان کا کہنا تھا کہ کسی بھی صورتحال سے نمٹنے کے لئے پاک فضائیہ ہمہ وقت تیار ہے، جے ایف 17 تھنڈر طیارے پہلی بار مشقوں میں شامل کئے گئے ہیں جنہیں دور حاضر کے مطابق جدید ہتھیاروں سے لیس کیا گیا ہے۔