رینجرز اور ملٹری پولیس پر حملہ کرنے والوں کو گرفتار کرلیا آئی جی سندھ

انسداد دہشت گردی کی عدالتوں سے 30 مجرموں کو سزا ہوچکی ہے، آئی جی پولیس فوٹو: فائل

---

لاہور: آئی جی سندھ غلام حیدر جمالی نے کہا ہے کہ پولیس نے رینجرز اور ملٹری پولیس پر حملہ کرنے والے ملزمان پکڑلئے ہیں۔

گورنر ہاؤس کراچی میں وزیر اعظم نوازشریف کی سربراہی میں اعلیٰ سطح کا اجلاس ہوا جس میں وفاقی وزیر داخلہ چوہدری نثار، چیف آف آرمی اسٹاف جنرل راحیل شریف ، کور کمانڈر کراچی، ڈی جی آئی ایس آئی، گورنر سندھ اور وزیر اعلیٰ سندھ نے شرکت کی۔

اجلاس کے دوران آئی جی سندھ نے بتایا کہ پولیس کی جانب سے جرائم پیشہ افراد، ٹارگٹ کلرز اور دہشت گردوں کے خلاف بھرپور کارروائیاں کی جارہی ہیں، پولیس نے رینجرز اور ملٹری پولیس پر حملہ کرنے والے ملزمان کو پکڑلیا ہے۔ انہوں نے بتایا کہ شہر کی انسداد دہشت گردی کی خصوصی عدالتوں میں 2 ہزار 688 مقدمات زیرسماعت ہیں، عدالتوں نے 66 پر فیصلہ سنایا ہے جن میں 30 مجرموں کو سزا ہوئی۔