وی آئی پیز کو حجاج ویلفیئر فنڈ سے حج کرانے کا انکشاف

وی آئی پی کے خاندانوں سمیت دیگر افراد پر 3 کروڑ 17 لاکھ روپے خرچ کیے گئے

Numainda Express December 08, 2015

حج کے دوران جدہ میں 1کروڑ 72لاکھ کی دوائیں خریدی گئیں مگر ریکارڈ نہیں، آڈٹ حکام فوٹو: فائل

قومی اسمبلی کی پبلک اکاؤنٹس کمیٹی کی ذیلی کمیٹی میں انکشاف ہواہے کہ وزارت مذہبی امورمیںحج کے دوران جدہ میں1کروڑ 72لاکھ 28 ہزار سے زائدکی غیرمعیاری دوائیں خریدی گئیں جنکے استعمال کے حوالے سے ریکارڈ موجود نہیں جبکہ حج ڈائریکٹوریٹ نے حجاج ویلفیئر فنڈ سے پارلیمنٹیرین، وی آئی پی کے خاندانوں سمیت دیگر افراد پر 3 کروڑ 17 لاکھ روپے خرچ کیے ،کمیٹی نے مستفیدافرادکے نام مانگ لیے۔

وزیر اعظم کی طرف سے غریب اورمستحق افرادکی مالی معاونت کیلیے دیے جانیوالے ایک کروڑ 76لاکھ 12ہزار 907 روپے کے استعمال کے حوالے سے بھی ریکارڈغائب ہونیکا انکشاف ہوا ہے،کمیٹی معاملہ نمٹانے کیلیے کیبنٹ ، وزیر اعظم آفس اورآڈٹ حکام کومحکمانہ آڈٹ کمیٹی میں حل کرنیکی ہدایت کردی،کمیٹی کااجلاس کنوینرراناافضال حسین کی زیر صدارت ہوا۔