دبنگ خان کے سیکورٹی گارڈز نے ان کے مداح پرتھپڑوں کی بارش کردی

سلمان خان کا مداح ان کے گھر کی تصویریں اتار رہا تھا جسے منع بھی کیا گیا،فوٹو: فائل

---

PESHAWAR: بالی ووڈ کے دبنگ سپر اسٹار سلمان خان کے سیکورٹی گارڈز نے ان کی جھلک دیکھنے کے لیے آنے والے مداح پر تھپڑوں کی بارش کردی۔

بالی ووڈ اسٹار سلمان خان کا شمارانڈسٹری کے صف اول کے اداکاروں میں ہوتا ہے یہی وجہ ہے کہ ان کے مداحوں کی تعداد کروڑوں میں ہے جب کہ ان کے مداحوں کی بڑی تعداد نوجوانوں پر مشتمل ہے جو ان کی ایک جھلک دیکھنے کے لیے بے تاب رہتی ہے تاہم دبنگ خان کے ایک مداح کو ان کی جھلک دیکھنا مہنگا پڑگیا۔

میڈیا رپورٹس کے مطابق بالی ووڈ اداکار سلمان خان کا مداح ان کی جھلک دیکھنے ان کے گھر کے باہر موجود تھا جس پر دبنگ خان کے سیکورٹی گارڈز نے اس پر تھپڑوں کی بارش کردی جب کہ سیکورٹی گارڈز کا کہنا ہےکہ مداح سلمان خان کے گھر کی تصاویر بنا رہا تھا جسے منع بھی کیا گیا تاہم بار بار منع کرنے کے باوجود تصاویر بنانے پر زبردستی اسے وہاں سے ہٹایا گیا۔

واضح رہے کہ سلمان خان ان دنوں اپنی نئی آنے والی فلم''سلطان'' کی شوٹنگ میں مصروف ہیں۔