عمران خان اور بھارتی وزیراعظم کے درمیان ملاقات آج ہوگی

نریندر مودی نے عمران خان سے ملاقات کی خواہش کا اظہار کیا تھا، ترجمان تحریک انصاف نعیم الحق، فوٹو: فائل

---

پاکستان تحریک انصاف کے چیرمین عمران خان آج بھارتی وزیراعظم نریندر مودی سے ملاقات کریں گے۔

بھارتی میڈیا کے مطابق پاکستان تحریک انصاف کے چیرمین عمران خان بھارتی وزیر اعظم نریندر مودی سے ملاقات کریں گے جس میں دونوں ممالک کے باہمی تعلقات پر تبادلہ خیال کیا جائے گا جب کہ نریندر مودی نے عمران خان سے ملاقات کی خواہش کا اظہار کیا تھا جس کے بعد دونوں رہنماؤں کی ملاقات آج شام نئی دلی میں متوقع ہے۔

Pakistan leader Imran Khan to meet PM Modi todayhttps://t.co/Cq18N7HKf2

— IndiaToday (@IndiaToday) December 11, 2015

دوسری جانب تحریک انصاف کے ترجمان نعیم الحق نے بھی عمران خان اور نریندر مودی کی متوقع ملاقات کی تصدیق کرتے ہوئے کہا ہے کہ چیرمین پی ٹی آئی کو ملاقات کی دعوت بھارتی وزیراعظم نے دی ۔

واضح رہے کہ پاکستان تحریک انصاف کے چیرمین عمران خان پاک بھارت تعلقات کے حوالے سے کانفرنس میں شرکت کے لیے 2 روزہ دورے پر نئی دلی میں موجود ہیں۔