پاک بھارت سیریز کے لئے پاکستان کرکٹ بورڈ کی جانب سے لکھے گئے خط سے ہی بی سی سی آئی کے صدر ششانک منوہر نے لاعلمی کا اظہار کردیا ہے۔

بھارتی میڈیا کے مطابق بی سی سی آئی کے صدر ششانک منوہر نے دعویٰ کیا ہے کہ پاکستان کرکٹ بورڈ کی جانب سے بھیجے گئے خط کے حوالے سے وہ لاعلم ہیں اور انہیں ایسے کسی خط کا کوئی علم نہیں جب کہ چیرمین پی سی بی کے شہریار خان نے چند روز قبل میڈیا سے بات کرتے ہوئے کہا تھا کہ پی سی بی نے بھارتی بورڈ کو پاک بھارت سیریز کے حوالے سے خط لکھا ہے جس کے جواب کا انتظار ہے۔