کراچی کے علاقے اورنگی ٹاؤن میں پولیس کا سرچ آپریشن غیر ملکیوں سمیت 35 افراد زیر حراست

اورنگی ٹاؤن کے علاقے پاکستان بازار میں پولیس نے سرچ آپریشن کے دوران غیر ملکیوں سمیت 35 مشتبہ افراد کو حراست میں لے لیا۔


ایکسپریس نیوز کے مطابق کراچی میں اورنگی ٹاؤن کے علاقے پاکستان بازار میں پولیس نے سرچ آپریشن کے دوران غیر ملکیوں سمیت 35 مشتبہ افراد کو حراست میں لے لیا، سرچ آپریشن کے دوران پولیس نے گھر گھر تلاشی لی جب کہ اس موقع پر علاقے کے داخلی و خارجی راستوں پر پولیس کی بھاری نفری تعینات کرکے علاقے کی مکمل ناکہ بندی کردی گئی۔

ایس پی اورنگی ٹاؤن کے مطابق سرچ آپریشن کے دوران حراست میں لیے گئے افراد کے قبضے سے اسلحہ بھی برآمد ہوا ہے جب کہ حراست میں لیے گئے افراد کو مزید تفتیش کے لیے تھانے منتقل کردیا گیا ہے۔