عمران فاروق قتل کیس کی تحقیقات کے لئے نئی جے آئی ٹی تشکیل

جے آئی ٹی کی سربراہی میں کاؤنٹر ٹیررازم ڈیپارٹمنٹ کے ڈائریکٹر مظہر کاکاخیل کریں گے، فوٹو: فائل

---

ایم کیو ایم کے مقتول رہنما عمران فاروق کے قتل کی تحقیقات کے لئے نئی جے آئی ٹی تشکیل دے دی گئی ہے۔

وزارت داخلہ کی جانب سے جاری نوٹی فکیشن کے مطابق جے آئی ٹی کی سربراہی کاؤنٹرٹیررازم ڈیپارٹمنٹ کے ڈائریکٹرمظہر کاکاخیل کریں گے، جے آئی ٹی میں ڈپٹی ڈائریکٹر سی ٹی ڈی الطاف حسین کو بھی شامل کیا گیا ہے جو مظہر کاکا خیل کی کے نائب ہوں گے۔ اس کے علاوہ سندھ رینجرز، آئی ایس آئی اور آئی بی کا ایک ایک افسر بھی اس مشترکہ تحقیقاتی ٹیم کا حصہ ہوگا۔ تحقیقاتی ٹیم گزشتہ جے آئی ٹی کی رپورٹ کی بنیاد پر اپنی تحقیقات کو آگے بڑھائے گی۔

واضح رہے کہ حکومت نے عمران فاروق قتل کیس میں گرفتارمعظم علی خان، خالد محمود اورسید محسن علی سے تفتیش کے لئے جے آئی ٹی تشکیل دی گئی تھی جس نے اسکالٹ لینڈ یارڈ کی ٹیم کے ہمراہ ملزمان سے پوچھ گچھ کی تھی۔