کالا باغ ڈیم کی تعمیرپرلاہورہائیکورٹ تخت لاہورسے پیغام لے رہی ہے افراسیاب خٹک

عوامی نیشنل پارٹی کے صوبائی صدرافراسیاب خٹک نے کہا کہ کالاباغ ڈیم مردہ گھوڑا ہے اوراس کی تعمیر کا مقصد سندھ کے پانی پر ایک صوبے کا قبضہ ہے. فوٹو: فائل

---

عوامی نیشنل پارٹی کے صوبائی صدرافراسیاب خٹک نے کہا ہے کہ کالا باغ ڈیم کی تعمیر پر لاہور ہائی کورٹ تخت لاہور سے پیغام لے رہی ہے۔

پشاور میں پریس کانفرنس کے دوران ان کا کہنا تھا کہ کالاباغ ڈیم مردہ گھوڑا ہے اوراس کی تعمیر کا مقصد سندھ کے پانی پر ایک صوبے کا قبضہ ہے۔انہوں نے کہا کہ تین صوبے کالا باغ ڈیم کو مسترد کرچکے ہیں اورخیبر پختونخوا، سندھ اور بلوچستان اسمبلیوں سے اس کے خلاف قراردادیں پاس ہوچکی ہیں۔

افراسیاب خٹک نےکہا کہ عدالتوں کو ایسے فیصلوں میں نہیں پڑنا چاہیے جس سے ان کے اوپرانگلیاں اٹھنا شروع ہوجائیں۔