وادی تیرہ میں جیٹ طیاروں کی بمباری سے 8 دہشت گرد ہلاک اور متعدد زخمی

فضائی کارروائی ایجنسی سے دور پاک افغان بارڈر پر کی گئی ، سیکیورٹی ذرائع

ویب ڈیسک December 15, 2015

پاک فضائیہ کے طیاروں نے پاک افغان سرحد کے قریب دہشت گردوں کے ٹھکانوں پر بمباری کی، ترجمان پاک فوج، فوٹو: فائل

وادی تیرہ میں جیٹ طیاروں کی بمباری سے 8 دہشت گرد ہلاک اور متعدد زخمی ہوگئے جب کہ دہشت گردوں کے کئی ٹھکانوں کو بھی تباہ کردیا گیا۔

ایکسپریس نیوز کے مطابق وادی تیرہ میں جیٹ طیاروں نے بمباری کی جس کے نتیجے میں 8 دہشت گرد ہلاک اور متعدد زخمی ہوگئے۔ سیکیورٹی ذرائع کےمطابق جیٹ طیاروں نے پاک افغان بارڈر کے قریب دہشت گردوں کے ٹھکانوں کو نشانہ بنایا جس میں کئی ٹھکانے تباہ کردیئے گئے۔

واضح رہے کہ پاک فوج کی جانب سے خیبرایجنسی میں آپریشن کے بعد علاقے کو دہشت گردوں سے پاک قرار دے دیا گیا ہے جب کہ آپریشن سے قبل علاقہ دہشت گردوں کی پناہ گاہ سمجھا جاتا تھا۔