خوابوں والی سرکار نے 2016 میں روٹھے دوستوں کی واپسی کی پیش گوئی کردی

آئندہ برس کچھ روٹھے دوست واپس آئیں گے کچھ مکمل جائیں گے، منظور وسان فوٹو: فائل

---

KARACHI: پیپلز پارٹی کے رہنما منظور وسان کہتے ہیں کہ 2016 میں کچھ روٹھے دوست واپس آئیں گے جب کہ کچھ مکمل طور پر جائیں گے۔

سندھ اسمبلی میں میڈیا سے بات کرتے ہوئے منظور وسان نے کہا کہ 2016 خوش گوار سال ہوگا، نئے سال کی ابتدا سے ہی سے بڑے فیصلے ہوں گے، ایم کیو ایم اور پیپلزپارٹی ایک پیج پر ہیں، کچھ روٹھے دوست واپس آئیں گے کچھ مکمل جائیں گے۔

منظور وسان کا کہنا تھا کہ پیپلزپارٹی کسی سے نہیں ڈرتی، ڈاکٹرعاصم حسین کا معاملہ رینجرز سے نہ جوڑا جائے۔ انہوں نے کہا کہ 27 دسمبر کو بے نظیر بھٹو کی برسی بھرپور انداز میں منائی جائے گی تاہم اس موقع پر آصف زرداری کی وطن آمد یقینی نہیں۔