حادثات میں خاتون سمیت 2 افراد ہلاک 4 زخمی

سپر ہائی وے پر وین کو ٹریلر نے ٹکر مار دی، دوسرا حادثہ انڈس ہائی وے پر پیش آیا۔ فوٹو فائل

---

ٹریفک کے 2 مختلف حادثات میںخاتون سمیت 2 افراد جاں بحق جبکہ 4 زخمی ہو گئے، جن میں سے 2 کی حالت نازک بتائی جاتی ہے۔

تفصیلات کے مطابق سپر ہائی وے پر لونی کوٹ اور نوری آباد کے درمیان کراچی سے نوشہرو فیروز جانے والی مسافر وین کو پیچھے سے آنے والے ٹریلر نے ٹکر مار دی جس کی نتیجے میں وین میں سوار نوشہرو فیروز کا رہائشی 2 بچوں کا باپ 25 سالہ دھنی بخش رند جاں بحق جب کہ محمد سلیم، تاج محمد، عبدالحمید اور نظام الدین زخمی ہو گئے، عبدالحمید کی حالت نازک ہے۔

دوسری جانب انڈس ہائی وے پر سن کے قریب کراچی سے لاڑکانہ جانیوالی کار سامنے سے آنے والی دوسری کار سے ٹکرا گئی جس کے نتیجے میں27 سالہ خاتون صالحہ زوجہ علی محمدجاں بحق جبکہ محمد ایوب خشک اور ممتاز زیب بھٹو زخمی ہو گئے۔، ایک زخمی ممتاز زیب کی حالت نازک ہے۔