یونس خان نے قومی ویمن ٹیم کا بیٹنگ کنسلٹنٹ بننے سے معذرت کرلی

قومی ٹیم کے تجربہ کار بلے باز یونس خان نے پاکستان ویمن ٹیم کا بیٹنگ کنسلٹنٹ بننے سے معذرت کر لی۔


پاکستان کرکٹ بورڈ حکام کے مطابق یونس خان کو ویمن ٹی ٹوئنٹی ورلڈ کپ کے لئے قومی ٹیم کا بیٹنگ کنسلٹنٹ بننے کی پیش کش کی گئی تھی تاہم تجربہ کار بلے باز نے اپنی مصروفیت کے باعث ذمہ داری قبول کرنے سے معذرت کر لی۔ یونس خان کی جانب سے معذرت کے بعد پی سی بی نے سابق کرکٹر منظور الٰہی کو ویمن ٹیم کا بیٹنگ کنسلٹنٹ مقرر کردیا۔

یونس خان کا کہنا تھا کہ اس وقت ساری توجہ قائد اعظم ٹرافی پر مرکوز ہے، آئندہ اگر بورڈ کی جانب سے کوئی ذمہ داری سونپی گئی تو اس پر سوچ بچار کے بعد فیصلہ کروں گا۔