سانگلہ ہل ٹرین کی زد میں آکر 5 بچے جا ں بحق

پانچوں بچے موقع پر ہی جاں بحق ہو گئے جبکہ بچوں کی عمریں 10 سے 14 سال کےدرمیان بتا ئی جاتی ہیں ۔ فوٹو: فائل

---

SIALKOT: عید کی نماز پڑھ کر واپس جانے والے موٹر سائیکل پر سوار ایک ہی خاندان کے 5 بچے ٹرین کی ٹکر سے جا ں بحق ہوگئے۔

تھانہ صد رسانگلہ ہل کے علاقے بروئے میں محمد اکرم کے3 بیٹے حسنین ،ثقلین اور علی جبکہ محمد امجد کی 2 بیٹیاں اقصیٰ اور فضہ ایک ہی مو ٹر سائیکل پر عید کی نماز پڑھ کراپنے گاوں جارہےتھے کہ ریلوے لائن کراس کرتے ہو ئے موٹرسائیکل لاہور سے کراچی جانے والی شالیمار ایکسپریس سے ٹکرا گئی۔

پانچوں بچے موقع پر ہی جاں بحق ہو گئے جبکہ بچوں کی عمریں 10 سے 14 سال کےدرمیان بتا ئی جاتی ہیں ۔ پولیس نے لاشیں قبضےمیں لے کر کارروائی شروع کر دی ہے تاہم بتایا جاتا ہے کہ ریلوے کراسنگ پر کو ئی پھاٹک موجود نہیں تھا جو اکثر حادثات کا باعث بنتا ہے۔