پاکستان نے سپرسکسز ٹورنامنٹ کے میچ میں روایتی حریف بھارت کو شکست دے دی.

ہانگ کانگ میں کھیلے گئے سپر سکسز ٹورنامنٹ کے میچ میں بھارت نے پہلے بیٹنگ کرتے ہوئے مقررہ 5 اوورز میں ایک وکٹ کے نقصان پر70 رنز بنائے جواب میں پاکستان نے مطلوبہ ہدف 3.3 اوورز میں حاصل کرلیا۔ کامران اکمل نے 6 گیندوں پر 2 چھکوں اور 3 چوکوں کی مدد سے 30 رنز بنائے اور ناٹ آؤٹ رہے۔ اس سے قبل کھیلے گئے اپنے پہلے میچ میں قومی کرکٹ ٹیم نے ہالینڈ کو 6 وکٹوں سے شکست دی تھی۔