کالاباغ ڈیم مارشل لا دورمیں نہیں بن سکا تو اسے کوئی نہیں بناسکتاغلام بلور

عید سعودی عرب کےساتھ منائی جانی چاہئے جس کے لئے علمائے کرام کو بھی متفق ہونا چاہئے ، غلام احمد بلور فوٹو: اے ایف پی

---

KOT ADDU: وفاقی وزیر غلام احمد بلورنے کہا ہے کہ کالاباغ ڈیم اگر مارشل لالگانے والے نہیں بنا سکے تواسے کوئی نہیں بناسکتا۔

پشاورمیں نماز عید کی ادائیگی کے بعد میڈیا سے بات چیت کرتے ہوئے غلام احمد بلورنے کہا کہ کالاباغ ڈیم مردہ گھوڑا ہے اورنہ ہی یہ ڈیم بنے گا۔ انہوں نے کہا کہ عدالت کوبھی اس معاملے پر کوئی فیصلہ نہیں دینا چاہئے۔

غلام احمد بلور نے کہا کہ عید سعودی عرب کےساتھ منائی جانی چاہئے جس کے لئے علمائے کرام کو بھی متفق ہونا چاہئے ۔ انہوں نے کہا عید کے موقع پر موبائل فون سروس بند کرنا اتنا بڑا مسئلہ نہیں تھا جس کی منظوری کابینہ سے لی جاتی۔