مسلم لیگ ن کی راحیلہ درانی بلوچستان اسمبلی کی پہلی خاتون اسپیکر منتخب
راحیلہ درانی کے مقابلے میں کسی بھی امیدوار نے مقررہ وقت 10 بجے تک اسپیکر کے لئے کاغذات جمع نہیں کرائے
سابق اسپیکر بلوچستان اسمبلی اسلم بھوتانی اپنے عہدے سے مستعفی ہو گئے تھے جس کے بعد سے یہ نشست خالی تھی۔ فوٹو: آن لائن
مسلم لیگ (ن) کی مس راحیلہ حمید خان درانی بلا مقابلہ بلوچستان اسمبلی کی پہلی خاتون اسپیکر منتخب ہو گئی ہیں۔
ایکسپریس نیوز کے مطابق مسلم لیگ (ن) کی رکن مس راحیلہ حمید خان درانی بلوچستان اسمبلی کی پہلی خاتون اسپیکر منتخب ہو گئی ہیں۔ راحیلہ درانی کے مقابلے میں کسی بھی امیدوار نے مقررہ وقت 10 بجے تک اسپیکر کے لئے کاغذات جمع نہیں کرائے تاہم صورت حال اس وقت انتہائی دلچسپ ہو گئی جب اپوزیشن جماعتوں کی جانب سے جمعیت علمائے اسلام کے مفتی گلاب کچھ تاخیر سے اپنے کاغذات جمع کرانے پہنچے، رجسٹرار نے پہلے تو مفتی گلاب کے کاغذات منظور کرنے سے انکار کیا تاہم کافی بحث و مباحثے کے بعد کاغذات وصول کرتے ہوئے کہا کہ پریزائڈنگ افسر 11 بجے تک فیصلہ سنانے کا کہا۔
پریزائڈنگ افسر لیاقت آغا نے اپنے فیصلے میں کہا کہ مقررہ وقت تک صرف راحیلہ حمید خان درانی نے ہی کاغذات جمع کرائے اس لئے وہ بلا مقابلہ اسپیکر منتخب ہو گئی ہیں۔ مفتی گلاب نے مقررہ وقت ختم ہونے کے بعد اپنے کاغذات جمع کرائے اس لئے وہ قابل قبول نہیں ہیں۔
راحیلہ خان درانی 2013 کے عام انتخابات میں خواتین کی مخصوص نشست پر مسلم لیگ (ن) کے ٹکٹ پر ایم پی اے منتخب ہوئیں تھیں جب کہ اس سے قبل بھی وہ بلوچستان اسمبلی کی رکن رہ چکی ہیں۔
واضح رہے کہ مئی میں سابق اسپیکر بلوچستان اسمبلی اسلم بھوتانی اپنے عہدے سے مستعفی ہو گئے تھے جس کے بعد سے یہ نشست خالی تھی۔
ایکسپریس نیوز کے مطابق مسلم لیگ (ن) کی رکن مس راحیلہ حمید خان درانی بلوچستان اسمبلی کی پہلی خاتون اسپیکر منتخب ہو گئی ہیں۔ راحیلہ درانی کے مقابلے میں کسی بھی امیدوار نے مقررہ وقت 10 بجے تک اسپیکر کے لئے کاغذات جمع نہیں کرائے تاہم صورت حال اس وقت انتہائی دلچسپ ہو گئی جب اپوزیشن جماعتوں کی جانب سے جمعیت علمائے اسلام کے مفتی گلاب کچھ تاخیر سے اپنے کاغذات جمع کرانے پہنچے، رجسٹرار نے پہلے تو مفتی گلاب کے کاغذات منظور کرنے سے انکار کیا تاہم کافی بحث و مباحثے کے بعد کاغذات وصول کرتے ہوئے کہا کہ پریزائڈنگ افسر 11 بجے تک فیصلہ سنانے کا کہا۔
پریزائڈنگ افسر لیاقت آغا نے اپنے فیصلے میں کہا کہ مقررہ وقت تک صرف راحیلہ حمید خان درانی نے ہی کاغذات جمع کرائے اس لئے وہ بلا مقابلہ اسپیکر منتخب ہو گئی ہیں۔ مفتی گلاب نے مقررہ وقت ختم ہونے کے بعد اپنے کاغذات جمع کرائے اس لئے وہ قابل قبول نہیں ہیں۔
راحیلہ خان درانی 2013 کے عام انتخابات میں خواتین کی مخصوص نشست پر مسلم لیگ (ن) کے ٹکٹ پر ایم پی اے منتخب ہوئیں تھیں جب کہ اس سے قبل بھی وہ بلوچستان اسمبلی کی رکن رہ چکی ہیں۔
واضح رہے کہ مئی میں سابق اسپیکر بلوچستان اسمبلی اسلم بھوتانی اپنے عہدے سے مستعفی ہو گئے تھے جس کے بعد سے یہ نشست خالی تھی۔