نریندرمودی کے اچانک دورہ پاکستان نے سوشل میڈیا پرہنگامہ برپا کردیا

سماجی رابطوں کی ویب سائٹس پر ہی پاکستانی اور بھارتی عوام کے درمیان ایک دوسروں کیخلاف تندوتیز جملوں کا تبادلہ جارہی ہے۔ فوٹو؛فائل

---

بھارتی وزیراعظم نریندر مودی کے اچانک دورہ پاکستان کو جہاں دونوں ممالک کے درمیان تعلقات میں مثبت پیش رفت قرار دیا جارہا ہے وہیں سوشل میڈیا پر عوام کے درمیان ایک نئی بحث شروع ہوگئی ہے۔

سماجی رابطے کی ویب سائٹ ٹوئٹرپراپنی ٹوئٹ میں نریندر مودی کا کہنا تھا کہ افغانستان سے دہلی واپسی پرتھوڑی دیرلاہورایئرپورٹ پرقیام کروں گا جہاں پاکستانی ہم منصب نوازشریف سے ملاقات ہوگی۔

Looking forward to meeting PM Nawaz Sharif in Lahore today afternoon, where I will drop by on my way back to Delhi.

— Narendra Modi (@narendramodi) December 25, 2015

نریندر مودی کی جانب سے اچانک دورہ پاکستان کے اعلان کے بعد بعض بھارتی سوشل میڈیا صارفین کی جانب سےاسے خوش آئند قرار دیا جارہا ہے جب کہ بعض صارفین کی جانب سے انہیں شدید تنقید کا نشانہ بنایا جارہا ہے جب کہ سماجی رابطوں کی ویب سائٹس پر ہی پاکستانی اور بھارتی عوام کے درمیان بھی ایک دوسروں کیخلاف تندو تیز جملوں کا تبادلہ جارہی ہے۔

واضح رہے کہ بھارتی وزیراعظم نریندرمودی افغان پارلیمنٹ کی نئی عمارت کا افتتاح کرنے کے لئے افغانستان پہنچے تھے جہاں سے دہلی واپسی پر انہوں نے وزیراعظم نواز شریف سے لاہور ایئرپورٹ پر ملاقات کی خواہش کا اظہار کیا ہے۔